A Conferencia Sectorial de Turismo do 17 de febreiro de 2022 aprobou a convocatoria da terceira edición ordinaria do Programa de Plans de Sustentabilidade Turística en Destinos, o instrumento principal de intervención da Administración turística española. A Secretaría de Estado de Turismo destina 23 millóns de euros a esta edición que, unha vez máis, cofinanciarán as Comunidades Autónomas e entidades locais cuxos proxectos sexan seleccionados.

O obxectivo do programa é avanzar cara á transformación dos destinos turísticos cara a un modelo baseado na sustentabilidade ambiental, socioeconómica e territorial. Esta edición ordinaria de Plans de 2022 diríxese a tres categorías de destinos turísticos: sol e praia, rural e urbano.

A entidade beneficiaria e responsable da execución do plan en todas as súas fases deberá ser unha entidad local de entre as previstas no artigo 3 da Lei 7/1985, do 2 de abril, Reguladora das Bases do Réxime Local:

• O municipio.
• A provincia.
• A illa nos arquipélagos balear e canario.
• As comarcas ou outras entidades que agrupen varios municipios, instituidas polas Comunidades Autónomas de conformidade con esta lei e os correspondentes Estatutos de Autonomía.
• As áreas metropolitanas.
• As mancomunidades de municipios.

A proposta presentarase telematicamente ante a Comunidade Autónoma na que estea situado o destino solicitante na forma establecida por esta.

Prazo de presentación de propostas: Do 18 de febreiro ao 31 de marzo, ambos inclusive.

As Comunidades Autónomas remitirán á Secretaría de Estado de Turismo todas as solicitudes recibidas, que analizarán e valorarán as dúas administracións.

As propostas de Plans deberán incluír:

• Datos básicos do solicitante.
• Memoria económica relativa ao custo e o financiamento.
• Memoria técnica do plan.
• Anexos.

Terán que remitirse cubrindo o Anexo I da convocatoria.

Memoria [DOCX] [128.84 kB]

Faqs sobre o Programa [PDF] [1.23 MB]

Programa e Convocatoria 2022 [PDF] [1.24 MB]

Estratexia Sustentabilidade Turística en Destino [PDF] [1.19 MB]